Blek hefur séð um kynningarefni Éljagangs frá því hátíðin byrjaði vorið 2011 og eiga fulltrúa í stjórn félagsins sem heldur utan um skipulagningu hátíðarinnar. Kynningarefnið hefur verið í sama stíl frá upphafi en á hverju ári notum við eina flotta þemamynd úr einu sporti sem er á hátíðinni. Í ár var Icecross í forgrunni enda óstjórnlega flott myndin sem Einar Guðmann tók á síðasta ári.

Það sem við gerðum í ár fyrir Éljagang var:

- Útbúum birtingaáætlun þar sem markmiðið var að ná til útivistaráhugafólks með sem minnstum tilkostnaði.
- Sóttum um styrki fyrir hátíðina til fyrirtækja, leituðum tilboða í birtingar og prentun
- Settum upp vef á íslensku og ensku með vefborðakerfi og uppfærðum hluta hans sjálfar og aðstoðuðum aðra við uppfærslur
- Settum um facebook síðu og uppfærðum hana reglulega með efni
- Bjuggum til leik á facebook með því að setja upp leikjaforrit og tengja það við facebook app á facebooksíðu Éljagangs
- Hönnuðum auglýsingar fyrir prentmiðla í þeim stærðum sem þurfti skv. birtingaáætlun
- Hönnuðum vefborða í þeim stærðum sem þurfti skv. birtingaáætlun
- Skrifuðum PR texta og sendum til fjölmiðla ásamt ljósmyndum
- Bjuggum til flyer, A6 stærð, og tókum þátt í dreifingu á honum
- Settum upp viðburðabækling þar sem hvert auglýsingapláss var vel nýtt, teiknuðum kort sem var aðal innihald bæklingsins, tókum þátt í dreifingu á bæklingnum.
- Vöktuðum viðburði yfir sjálfa hátíðina og settum inn ljósmyndir á instagram og facebook

Vetrar- og útivistarhátíðin Éljagangur var vel sótt, fékk góða umfjöllun og var þessi helgi fjölmennasta helgin í Hlíðarfjalli það sem af er vetri.